榮耀辦館

今篇其實好特別，只是講一間唔太起眼，或者應該咁講，係行過都唔會留意既舖頭仔，佢叫榮耀，位於土瓜灣木廠街，佢係一間小辦館，兼賣砵仔糕、雞蛋仔同夾餅的，賣左不知多少年月，我中學嗰時，經常放學就去買黎食。

這間小舖既雞蛋仔同夾餅賣得十分之平，只是8蚊一底，暫時到過既地方所見，都未有一間咁平，平均都要10-12一底，利強記要賣成13蚊一底。好多人可能講，平野無好，可是這間既出品都唔錯，雞蛋仔有蛋味，仲好飽滿，外皮係脆既，內裡則軟綿綿，而且甜度剛剛好。

另外，夾餅都好好食，而家好多地方既夾餅都只係搽花生醬、牛油同煉奶，但係呢一間仲加埋砂糖，多一份食沙既口感，唔錯。

大家如果行過，不妨買一底試下，叫老闆即做，熱辣辣仲好食。

地址：土瓜灣木廠街(工聯會旁)