食完肉類，我地掉轉地叫了海鮮，應該先食海鮮和蔬菜，之後先肉類的，不過太過吸引的關係，我地調轉食。海鮮叫了太子貝、香草牛油白蝦、廣島蠔同魷魚鬚，太子貝已熟既關係，輕輕燒一燒，等有些焦香就可以食了，一般啦，雖然大粒，不過味道太過清淡，廣島蠔好大隻同新鮮，唔腥，不過原來好難燒，燒得太耐黏網，十分考技術。香草牛油白蝦，味道好好，d牛油滲入蝦中，味道鮮甜，牛油味帶起香味。魷魚鬚令我一食再食，起初覺得沒有需要食，但一試過之後，發現味道好正，韓式辣味辣辣地，燒完之後，魷魚真係超香。
食左咁多野，居然漏叫雞肉同鴨舌，即刻落order，叫了兩款唔同味道既雞件，有柚子汁同橘子汁，兩者都好正，但尤以前者更佳，雞肉鮮嫩，醃得入味，可是又不太濃，剛剛好。鴨舌以燒汁醃製，燒到焦香撲鼻即起，估唔到鴨舌都可以拎黎燒，當然都係好味道。紐倫堡腸就麻麻地，而且一小粒不太大方，評價差。
食完一輪肉類之後，order了一些菜，生菜可以包住一些肉類，既可燒滯，又可帶來一陣refresh既感覺。洋蔥燒一燒，甜味自然出，十分好味。最正係個青瓜，當小食一流，麻醬調校非常美味，間場用，清一清味蕾都好。而我至喜歡的是日本青椒仔，因為沒有一般青椒那麼重既味道，一啖一隻。
今餐食完，真係非常之飽，完全沒有叫任何小食，其實仲有好多天婦羅、烏冬、炒飯等等。真係食肉唔飽，都梗有野食飽。覺得一大班人會仲開心，一齊燒，可是如果可以食兩個半鐘就更加好，因為要燒既關係，多少少時間，唔會食得太趕。
銅鑼灣軒尼詩道502號黃金廣場9樓
沒有留言:
張貼留言