2010年12月5日 星期日

土司工坊

今次這篇是為著巴東牛肉飯來寫的,因為間舖本身食物都幾好,可是這個巴東牛肉飯卻令我十分不滿意。這間正是土司工坊,這裡專食咖央多、馬來西亞食物等等,兼賣飯同麵食。

先講我每次到來都食的水煮蛋先,點解咁鍾意,佢有著日本溫泉蛋的特質,又有流黃既特性,每碟兩隻,加上少少黑油,撈一撈,味道超好。


巴東牛肉飯賣相幾好,可是味道真是不好,牛肉煮到散哂,沒有口感可言,而且汁料味道真係非常之淡味,完全食唔出係巴東牛肉,只有淡淡既椰汁味,黃薑飯係凍既,可能我夜去啦,不過整碟都係唔好食。對男仔而言,份量一定少架啦,不過食開呢到都知,份量少不嬲都係賣點。


另外叫了一碗五香肉丁蛋通粉,味道一般啦,不過都算細碗的,而且價錢昂貴。另外,跟餐叫了檸檬薏米水,淡淡唔太甜的薏米水,飲完好解渴。


下次都係將呢到做番下午茶地方了,因為多士、半熟蛋等等整得幾好,其他的又貴又唔好食。

地址:尖沙咀廣東道30號新港中心地下G18號舖