2010年12月20日 星期一

意粉屋

現在天氣轉冷,當然係打邊爐既好時間,但係平時港式火鍋就食得多,間唔中都要轉下口味,今次就去意粉屋試一試佢個芝士火鍋,這個芝士火鍋雖然不太正宗,不過起碼令今年未食過芝士火鍋既我興奮。

意粉屋今年都不例外,推出兩款味道既芝士火鍋,有經典及黑松露味道,而且可以選擇普通版、燒牛肉拼盤或海鮮拼盤,價錢大約在21X-28X左右,另可加錢追加配料和芝士汁。



朋友和我決定試經典芝士火鍋汁,配上燒牛肉拼盤,拼盤內有一盤什肉、一個墨魚汁意粉同一籃麵包,由於用CITIBANK埋單,奉送一客雞翼。芝士汁唔夠芝士味,酒香亦有所不及,不過味道都唔錯。燒牛肉拼盤內有4片燒牛肉、4片煙火腿、雞胸肉、豬肉腸及一些蔬菜,各式肉類沾上芝士汁後,本身肉味可能比較淡,只能夠食到芝士味。麵包雖然比較硬同靱,可是麵包正正與芝士汁最合拍,所以食完一籃之後,再order多了一籃。到最後,為免浪費每一滴芝士汁,把最後烏粹粹的意粉放入鍋裡同煮一會兒,待所有汁掛上意粉後進食,真是美味萬分。


其實平平地一個芝士火鍋都唔錯,而且現在凡用citibank信用卡食芝士火鍋,即送雞翼一客,又平又抵食,可以去試下。