韓國菜大部份人一定食過，而且近來韓風流行，好多人都會去認識韓國，可是大部份人都覺得韓國菜只有韓燒、泡菜同石頭飯，沒有留意過其他食物，其實佢地既食物有好多款式，並且味道都好好，例如：蔥餅、水冷麵同前菜等等。一間主理韓國既食店，一坐低都會奉上數碟至十數碟既前菜，款式包羅萬有，蔬菜肉類樣樣都有些。
這裡會供應七碟前菜，有菠菜、粉絲、茄子、魚餅、魚仔、薯仔同唔少得既泡菜，最欣賞係個個薯仔，味道清新，咸咸地，好似薯仔炆雞翼既味道。另外，個樣貌似魚餅那個前菜，咬落感覺好得意，煙煙靱靱。魚仔居然一D腥味都無，甜甜地。
總共叫了三樣野，有一個麵、一個蔥餅同一個燒牛肋骨肉。辛拉麵其實就係大家係屋企煮既辛辣麵之類既食物，公仔麵底既拉麵，本來諗住湯底好好，點知真係期望越大，失望越大，整個實在太普通，分分鐘屋企煮的更加好，食左一半無食了。
海鮮煎蔥餅，呢個勁好味，材料極多，每一塊都有好多材料在內，而且煎得非常香口，沾上特製辣汁，更加美味，我地兩個人不斷咁食，食到停唔到口。
主角出場啦，係鐵板上既燒牛肋骨肉，雖然呢到係燒完先上枱，少左一份可以自己燒既樂趣，可是起碼火喉控制一定比我們更好，肉質鮮嫩，唔會靱到咬唔開，而且非常多汁，沾上烤肉醬，外面包上附送既生菜，既美味，又無咁熱氣，非常好，食完仲有少少衝動想Encore多一碟，可是已經飽了。
店舖細細，沒有想到會如此多人，環觀四圍，清一色韓國人，差不多每枱都有一個大鍋，旁邊兩個大叔食緊泡菜牛腸鍋，勁吸引，香味不斷蔓延過黎，真想行去食佢幾舊，配上啤酒一定更加好。
這裡是正宗韓國人主理，唔太識廣東話，最好都係用英語or 號數點菜，價錢屬中價，可是質素卻是上乘。有機會一定要黎試下個冷麵，聽講好多人都話好正宗，好好味。
地址：灣仔謝斐道209號地下
沒有留言:
張貼留言