2010年12月7日 星期二

喜喜冰室

喜喜冰室係一間好特別既冰室,冰室呢個名字,係六七十年代好興既,不過現在冰室已成一個式微既行業,但香港興復古,所以某某美術指導就開了這間冰室,實行舊調新詞。

這裡既出品好多都係懷舊食品同飲品,飲品首推已消失係茶餐廳既黑牛、忌廉溝解奶等等,十分懷舊,真係諗起都想飲番杯。而食品方面,都有豬潤通、炸雞脾沙律及焗牛脷飯等等。不過講到驚喜,絕對是裝飾陳設,極之欣賞糖盒,因為所有茶餐廳都已經轉用砂糖或砂糖包時,佢地用回方糖,仲好整齊地排好,轉用砂糖係因為一來慳時間refill,二來慳地方,三來方便衛生。牆上既裝飾同擺設都有好多懷舊物品,而且仲特登整到殘殘舊舊,十分有趣。



黎到呢到一定要試下佢個特餐,雞批浮台配香蕉合桃班戟,雞批浮台即係雞批放在青豆蓉湯上面,食時將雞批壓碎混入青豆蓉湯內一起食。青豆蓉湯味道略咸,但混完雞批之後,味道好夾。而個香蕉合桃班戟,開初覺得應該幾甜,因為上面淋上了一些煉奶既醬汁,可是連香蕉同合桃一起,又不是太甜,好後悔沒有加錢加軟雪糕,因為凍與熱,永遠都係刺激既享受。


另外,叫了一個焗牛脷飯,焗得香噴噴,味道都幾好,唔會太酸,又唔會太甜,而且好多餐廳D牛脷好羶,呢到反而無咁既味道,牛脷都好淋身,不過份量就好似細左少少,可能由於好滯既關係,食完岩岩OK既。


另外,我好欣賞呢到既熱狗擺法,好得意。未黎過的,真係要黎一下,欣賞一下呢到既裝修同擺設,入到黎,周圍影下都唔錯。

地址:銅鑼灣加寧街8號海倫大廈地下