沾仔記

沾仔記呢個名，好多人都聽過或者幫襯過，可是究竟有幾多人知道邊一間先係正舖呢，不過要數最為人熟悉的，應該就是中環的沾仔記了，每逢Lunch都大排長龍，可是店內款式就只有三樣餸，分別是鯪魚球、牛肉同雲吞，可配上麵、米或河，湯底清甜，聽說是加了羅漢果煲成，所以食碗麵都如此講究。另外，都可以說成全中環最抵食的麵店，平常人家賣緊幾十蚊時，這裡都只是二十左石。

一個餐牌已寫上了整間店舖既食物，鯪魚球、牛肉和雲吞，客人只是要幾多餸而定。今次叫了一碗三寶麵，鯪魚球爽口彈牙，一d都唔腥，牛肉依舊有肉味並滑口，雲吞大大粒，蝦多肉亦多，成粒雲吞都要兩口再吃得完，以咁既價錢，食物質素都幾好。

除左麵食之外，都有油菜供應，平常麵舖起碼都有兩至三樣可供選擇，這裡永遠一日都係得一種，今次的是菜心，菜心都好清甜，無渣。飲品都是汽水及豆漿，豆漿唔太甜，以6蚊既價錢，算有所交待。

不過黎得呢到食，都係速戰速決型，食完就走，完全唔會有時間俾妳慢慢hea。

地址：中環威靈頓街98號地下