等到頸都長，為左就係等生蠔季節，終於可以搵一間可以食即開生蠔既地方，今次呢一間係裝修完之後重開左一個月既Buffet場，海景嘉福酒店既Cafe On M，係洲際集團的。環境唔錯，格調都幾好，坐得幾舒服，好有空間感。
冷盤食物種類同質素都好好，海鮮類新鮮同肥美，有3款即開生蠔、翡翠螺、龍蝦仔、凍蝦、蟹腳同青口。魚生種類雖然只有6款，不過樣樣都好甜美。而沙律都有大約4-5款可以揀，或者可以自製沙律，湯就有兩款，肉類方面有煙三文魚、香草三文魚、Parma Ham、開心果肉腸、莎樂美腸同西式肉腸。麵包都有好幾款，旁邊擺了一小盤幾款芝士，都幾好食。熱盤都好多野食，當中一定要推介佢既有機牛柳、籠仔蒸東星班、燒臘、串燒食物、印度菜同一些機本既熱盤。甜品就多姿多彩啦，五花八門，熱既凍既，精緻既，大盤既，真係乜都有。
生蠔有三款，有鮮甜、有重海水味、有重蠔味等等，每隻既Size都係差唔多，好鮮美，不過略嫌個cocktail汁唔係太好，另外仲配有泰式醬汁同紅酒醋，可以試下。而且個三座蠔堆，令人興奮，師父摩打手不斷開，其實就全晚所見，沒有排長龍，平均二至三人等，記住係全晚爆場的。另外，其他凍海鮮都好新鮮，由其是翡翠螺超級大隻，好鮮甜，勁爽脆，蟹腳淡而無味，不是太好，青口都肥美飽滿，龍蝦仔無食，所以唔係好知。
另一推介絕對係香草三文魚同煙三文魚，好肥美，而且一舊舊，好甘香，絕對係水準之作。各款沙律都好好味，個海鮮沙律好多材料，另外prama ham 有咸香，油香，切肉則必需嘗試開心果切肉。刺身好新鮮，三文魚好肥美，帶子好甜，絕對要食。
好滿意呢到既冷盤、凍海鮮，如果我有多幾個胃就好了，食完冷盤仲可以有位食到熱盤。
我想話蟹腳好食過龍蝦仔.... 我覺得最正係個螺~!
回覆刪除真係幾正咁喎, 一於去試吓先:P
回覆刪除