熱盤之後，繼而食甜品，呢到既甜品都好精緻，預先放入了一排雪櫃內俾人欣賞，只會放部份上架，當沒有了，就refill出黎，而且熱既甜品都有驚喜，味道仲十分之好，雪糕用上Haagen-Dazs，都有5-6款可以揀，好可惜的是，雖有班戟煎板，可是原來只供早餐用。
自設甜品三式，左起焗朱古力布甸、雜莓吉士撻及apple crumble，個心太軟甜度岩岩好，倒出黎，切下去，個效果會更加好。
這個apple crumble實在十分出色，甜酸度剛剛好，上面的脆酥好鬆化，加上些少雲里拿汁，可以減低酸度，令只愛甜既人喜歡上。
這個芒果朱古力酥，酥皮仍然鬆化，朱古力略甜。
焦糖蘋果配薑餅忌廉，各方面平均做得好好，唔太甜，適中。
桑子醬薰衣草棉花糖，上面的桑子醬酸酸地，下面係好重薰衣草味的棉花糖，感覺好得意。
一道極重奶味既甜品，香甜既蜜糖配上牛奶mousse，十分好味既一道飯後甜品。
這個柚子醬朱古力吉士杯，係我覺得最好味的一個，每一層都有各自的味道，分開黎食，各自各精彩，配合起上來，居然十分適合，必試。
Haagen Dazs雪糕有五至六款，有士多啤梨、曲奇忌廉、桃味等等，可自行加上醬汁，亦有三款，配上紅桑子醬，中和甜味，最欣賞的是有開心果仁可以選擇。
整體黎講，感覺非常好，我會常來。
地址：尖沙咀麼地道70號海景嘉福酒店M層
沒有留言:
張貼留言