2010年11月19日 星期五

Mou Mou Club

日式Shabu Shabu火煱,好多人都食過,而Shabu Shabu放題係香港都算短時間,真係開始為人熟識的,可算是牛陣,基本上只提供唔同級數既牛肉及豬肉,另有一些配料,如豆腐、丸類同蔬菜。而今次這間同牛陣如出一轍,都是任食Shabu Shabu牛肉同豬肉放題。




這裡有幾款湯底俾客人選擇,有和牛清湯、豆乳湯、昆布湯、壽喜燒同和牛辛辣泡菜湯,牛肉有四級選擇,最平係進口牛肉,價值108,上級進口牛肉,價值138,而家另外兩個都係和牛238-308,豬肉好似都係同一樣,另外,如果選擇壽喜燒湯底的話又會貴多10蚊左右,而且而家做緊Promotion,有金星豚同米沢豚,味道更上一層樓。可是我們商量後,決定只叫138黎試下先,因為前車可鑑,138總比和牛既價錢來得實際。


點了豆乳拼和牛辛辣泡菜湯底,前者豆味好重,後者唔太辣,好重泡菜既味道,好好食,自助配料站,地方不大,款式都有限,不過勝在每樣都有一些,而且refill速度都好快,最欣賞的是醬料方面,除了平常既麻醬同豉油外,呢到仲有辣蘿蔔蓉、醋汁同山葵豉油,味道唔錯。


一坐底,會自助送上一碟牛肉拼豬肉,無論色澤同肥美度,都比想像中更加好,一灼之下才發現,兩者肉質都好柔軟,沒有過鞋既情況發生,牛肉肉味都好濃厚,灼耐左都唔會靱,豬肉唔會太硬,之後急不及待,已經order了第二碟。


一上第二碟,心諗唔通又好似牛x咁,低左一個級別,d牛肉走肥咁,以為一定好靱,點知原來又錯,一樣咁軟滑。


第三至五碟牛肉拼豬肉,完全喜出望外,質素比第一碟更加優勝,脂肪分佈均勻,肉味濃郁。


反而最尾一碟,質素最差,不過都算好的,起碼時好時壞,唔會第一碟質素好好,之後既就唔見得人。雖然佢地人手好似唔多夠,不過出肉既速度都好快,order完一陣,就已經送上了。


另外,呢到加10蚊可以任飲汽水,就算飲番一兩杯都已經回本啦,出面起碼收10蚊一杯啦。整體黎講,這間可以再黎,聽講,尖沙咀都準備開分店,唔駛再去銅鑼灣了,可以就番d朋友仔。

地址:銅鑼灣告士打道280號世貿中心3樓309至310號舖