2010年11月7日 星期日

大婆牛肉麵

香港食台式牛肉麵都有好多選擇,而我則比較喜歡呢一間,因為佢D牛展好好味,湯底超級濃郁,小食也深得我喜歡,這間是名人李純恩開的。


先講牛肉麵,這間比起九龍城那一間真係略有不及,不過味道都係好味的,只是牛肉方面,九龍城比灣仔呢一間更加好。一碗招牌牛肉麵內有2舊大牛展,4-5件牛根,仲有少少牛腩的部份,湯底入口牛味豐富,濃郁鮮甜,牛展雖然好厚,不過仍然好軟淋,牛根都索入了汁,非常之好味。


呢到既小食都幾好,幾鍾意食個滷肉、台式腸、豬手等等,不過要數最鍾意食既,則是其中一個小菜,蛋黃肉,可能好多人都覺得只是一個咸蛋黃蒸肉餅飯,但係大定咁諗就係錯啦,佢既味道係好似將D肉燥整成一個餅型,上面加個咸蛋黃,味道梗係一流啦,不過當小食有D咸,但係送飯食,咸度岩岩好。

總覺得灣仔這間的味道同九龍城真係有差距,九龍城那間係好味好多的,而且好似無咁咸。

地址:灣仔灣仔道188號廣生行大廈C-D座地下