2010年11月13日 星期六

廈門風味小食

香港通街都係美食,特別是香港係一個多種族既地方,基本上世界各地既菜式都有機會品嚐到,而我正正係中國既一部份,當然更加多唔同地方特式既食品,有地道福建食物食既地方就一定唔多,土瓜灣正正就有一間,叫廈門風味小食阿珠小店。

這裡唔太大,只容下五六張四人枱,食物款式都不是太多選擇,不過就是貴精不貴多,專注做他們福建的特式小食,如廈門春卷,五香卷等等。亦有一些特別食材,要由廈門訂購回來,如土荀凍及廈門章魚等等。

今次叫了多款小食,令我印象最深刻的莫過於土荀凍,聽個名字,大家可能覺得唔太特別,只是一個蔬菜啫喱的食物,其實好多人都未必敢食,因為土荀凍是由沙虫做出黎,清理好D沙虫後,加湯煮,之後雪成一舊舊,雖然材料嚇人,可是味道卻一流,味道鮮甜,爽口彈牙,加上少少甜辣醬,回味回味。


食完嚇人既冷凍小食後,叫了好多炸既食物,五香卷味道好好,香脆可口,有甜辣醬既提味,更加好食。炸大腸雖然只是普通食物,可是配上伴碟既酸蘿蔔,沾上甜辣醬,真係好食得不得了。


另外叫了兩個餐,一個係扁食湯加廈門粽,另一個係四物燉鴨湯加上蔥油拌麵線,扁食湯即係燕肉餃湯,燕肉餃肉味鮮甜,廈門粽一定要食,好好味,好味到我都唔識形容,比一般食開既粽多了一份咸香,比上海粽更加濃味。鴨湯用左好多藥材同燉,湯色清澈呈現琥珀色,雖然多藥材,但鴨味卻不失禮。蔥油拌麵線雖則只是普通既拌麵,不過再加上鴨湯同食,又多了一種食法,口味煥然一新。


最後亦是最滿意的一個,廈門春卷,即叫即包,D皮雖然唔係炸的,可是食落乾身,因為佢D皮係類似食填鴨時個種皮,所以係唔可以預先包好,一咬開,餡料結結實實飽滿,可見包工一流,而且材料豐富,雜菜、蘿蔔絲、蠔仔等等,熱食既味道更好,呢個春卷係推介之作。


其實仲有一D魚丸、芋盒、章魚等等小食,不過太飽既關係,沒有再食了,希望下次試完之後,再有續篇啦。

地址:土瓜灣美景街44號安福大廈