2010年11月10日 星期三

新景園咖哩小廚

灣仔區有一間食咖哩豬扒食到出哂名既舖頭,佢地既豬扒,超級好味,好鬆化,一咬就可以咬開,而且肉汁還在,醃料味道令我更加愛上。如果你第一次去,你一定覺得這間舖頭環境真係好一般,仲有D殘舊添,一看入去,可能都未必想入去。坐下看看兩邊價錢牌,真係有股衝動想走添,因為一個咖哩豬扒飯要五十元,真係好貴。但只要你肯駛一次錢去食,一定愛上。

其實係附近番工既人都知道一樣野,午市係有特價外賣架,價錢平一半,咁正所謂一分錢一分貨啦,其實個一分貨只不過指豬扒既份量,堂食係有兩塊大豬扒,外賣只有一塊豬扒,質素當然一樣咁好啦。

呢到既豬扒配上咩汁都咁好味,如上所說,豬扒鬆化,味道好好。外賣咖哩汁比較稀,而且有D唔似堂食個D咁好味,似快餐店個D咖哩汁。




粟米汁好好味,想清D食呢個就岩啦,好Creamy的,配上豬扒真係一流。


呢到既茄汁係用新鮮蕃茄即刻炒既,味道絕對唔會好似只用茄汁煮出來咁假。


其實整體質素比以前都有少少下滑,不過好在豬扒沒有走樣,仍然咁美味,間唔中都會入去堂食,不過因為太多人既關係,我都以外賣為主。另外,呢到既干炒牛河都好好食,不過都係一句"貴得黎物有所值"。

地址:灣仔春園街20號

沒有留言:

張貼留言