Al Dente

Al Dente既意思係彈牙咁解，偏偏呢間意大利餐廳就用上呢個名字，唔通佢地D意粉真係咁彈牙？

一看餐牌，已經將招牌菜用框框起，令到食客可以從中挑選心水菜式，總共叫了小食、沙律、Pizza、意粉同主菜，大部份都係推介菜式之中。其實坐低一陣之後，已經會有一小籃麵包，侍應會問要唔要黑醋及橄欖油，麵包都幾好食。

首先黎到既係Mozzarella Sticks，將芝士棒成條炸起，咬開時重以為有一絲一絲既芝士，好可惜並沒有太突出既表現，可能因為凍了的關係，我想熱既時候一定有呢個效果，芝士味香濃，實在係一個送酒既好小食。

點了一個魚子醬煙三文魚牛油果沙律，味道好複雜，有層次感，有魚子醬既咸、三文魚既鮮、牛油果既清同蔬菜既甜，配上黑醋既調味，實在係一碟非常美味既沙律，最重要不惜工本，有好多三文魚。

Pizza要了最普遍既Italian Classic，即係蕃茄、芝士加火腿，當然火腿並不是我地常常食快餐店食到個隻，係Prama Ham之類，配上火箭菜特殊既味道，意想不到咁好食，簡直係絕配。

主菜要了三色椒炒牛仔肉，不過已經唔係好記得佢既意大利菜名，望落去覺得好寡，不過實則食落，香料味勁重，與三色椒既甜味混合。

最後叫了一個意粉作結，四式芝士菠菜扁意粉，果然真係Al Dente，芝士味非常濃郁，因用上扁意粉，所以掛汁程度更好，每一條意粉都索上美味既芝士汁，雖然係溜，不過真係好好味。食到呢到都飽了，沒有order甜品。

實則如果座位唔係太迫的問題，一大班人慶祝實在不錯。不過情侶二人更加有情調，係一個慶祝特別節日既好地方，價錢實惠。

地址：尖沙咀寶勒巷21號地下