食完頭盤同海鮮，梗係轉食熱盤啦，呢到既熱食有好多款式，中西日印都有，而且味道都仲好好，就算唔食生冷野既人都有好多選擇，首推回本之作 - 籠仔蒸東星班。
這間籠仔蒸東星，味道唔錯，不過適宜一早就去食，因為佢一層一層籠仔疊起，擺得太耐，D肉會過老，好彩好多人都會去拎，佢不斷會refill，一小碟，食多幾年都唔怕膩。試飲左兩款湯之其一，南瓜海鮮湯個湯幾好味，另一個無試到，因為實在唔想用太多容量去飲，繼續進攻熱盤。
其實熱盤既食物種類真係好多，有串燒、燒味、鐵板燒、羊架、印度咖哩、即炒意粉等等，我只是食了少許，揀了一些自己喜歡的食物，這裡既鐵板燒同串燒燒得好好，d串燒唔會燒得太乾，特別要食呢到既燒三文魚，味道幾好，食落都仲鮮嫩，覺得最好食係牛肉串燒。另外，而家做緊有機牛肉主題，所以有好多熱盤都係用牛肉煮。西冷牛肉，燒得幾好，中間位置仲係好鮮嫩，有時仲有少少血水滲出，旁邊焦焦地好香口。
本來我期待呢到既即煮意粉，因為所有意粉都係呢到即日鮮製的，賣相好似好吸引，可是味道卻是淡而無味，意粉質地好淋，而且水汪汪，完全食唔到白汁應有既味道，居然雖然拎起枱上既調味料自行調味，所以起初預留了肚食呢個，現在可以騰空出來食甜品。
雖然個意粉打了折扣，可是甜品既絕對非常吸引。
沒有留言:
張貼留言