2010年11月6日 星期六

地茂館甜品

中式既糖水係一間甜品舖既基本,每一間都各自發展,自創一系列特有既甜品,但係仍然保留傳統既都有不少,九龍城內起碼都有幾間,例如:合成同地茂館,合成賣既係潮式糖水,地茂館賣既係廣東糖水,例如:芝麻糊、燉蛋、桑寄生蛋茶。而我個人比較喜歡合桃糊同芝麻糊,每逢晚飯後,都會提議到來食糖水。


雙拼永遠都係我既首選,只鍾意杏仁糊拼合桃糊,好可惜的是這裡沒有杏仁糊〝只有杏仁茶,杏仁茶不能雙拼,咁我唯有退而求其次,選擇芝麻拼合桃,糊身夠杰,而且幼滑得黎又帶少少粒粒,芝麻味好香,合桃食落都有好香既果仁味,而且唔太甜,岩岩好。


另外,黑糯米豆腐花,豆腐花夠滑,黑糯米既甜度適中,唔太硬,又唔會煮到淋哂,唔錯,唔錯。

其實呢到既D班戟幾好架,因為夠凍,忌廉夠多,香蕉夠甜美,榴槤味重,夠軟滑,兩款班戟都好好味,只是晚飯食得太飽,未能再食。不過下次黎到,一定要食下,平均來說,中式糖水保持水準,OK的,不過服務或某些糖水需要有改善既空間。

地址:九龍城福佬村道47號

1 則留言: