海南少爺

今次既海南少爺，我既失望真係比我期待既更加多，其實去之前都唔存太大既期望，不過估唔到無期待都咁失望，暫時覺得呢個價錢貴，野食唔出色，但係仲要咁多人幫襯，唉。比佢好食既，實在太多。

個時大約7點左右，可能星期一既關係，無乜人去食，入到去，基本上座位任坐，揀了望海那邊。地方環境都唔錯，只是冷氣真係比較大，風口出風好勁，不斷被吹。坐底時，侍應會送上前菜，梅粉蕃石榴，味道幾好，亦很開胃。

食物揀了一個海南雞同海南燒雞飯餐，兩者都包了一碟雞、一碟油菜、一壺雞湯同一碗油飯。海南雞雞肉尚算嫩滑，不過好淡既味道，而且雞肉唔肥美。油飯飯粒分明，可是味道唔夠，飯仲有D硬。雞湯先用壺上，保持溫度，味道都幾好。醬汁明顯做得比較好，食星洲海南雞飯，當然要食黑油啦。

另一個就是燒雞飯，覺得味道比海南雞更好，可能多左一份咸味，雞肉雖然經過燒，不過肉質仍然都係嫩滑的，其實都係一般。

整體黎講，唔食都唔係問題，只是好鍾意食海南雞飯的人可以去食下，話哂都係名店之後。

地址：銅鑼灣告士打道280號世貿中心3樓311號舖