成日都聽人講要去Yamm食自助餐，反而自己真係咁耐以黎都未食過，原因係身邊朋友常常都話要同另一半先去食，絕對好少一大班人去食，佢地話呢間情調好，適合撐枱腳，反而其他既酒店就間中都會一大班人去。另一個原因，就係太full，book唔到位，而且又無做任何信用卡優惠。
今期係國際美食做主題，頭盤有好多凍海鮮、魚生、同精緻既小食，好多人都為左食海鮮同生蠔，海鮮款式都算多，有蝦、青口、翡翠螺、生蠔等等，連少有既琵琶蝦都有供應，滿足左大部份既人。
先試下D生蠔，絕對好新鮮，因為係即開既，鮮度十足，輕輕掂一掂隻蠔，蠔邊即刻縮一縮，證明非常之新鮮，食落好creamy同好鮮甜，海水同咸味就略遜，應該唔係澳洲蠔種。食完幾輪原汁原味既生蠔之後，最後個round將蠔加了cocktail汁，估唔到個汁調校得非常之好，絕對有助提升蠔既鮮甜。不過師父開蠔既速度就比較慢，可是處理得非常之好，沒有蠔殼，沖洗得好乾淨。
對其他海鮮形成了免疫狀態，提唔起勁去拎，翡翠螺可以，因為夠爽脆鮮甜，蟹腳味道都好鮮，不過青口味道淡左少少，最唔滿意既係琵琶蝦，明明呢種蝦係爽口並鮮甜的，但係食到既質感完住相反，d肉好霉下，一d都唔新鮮。
刺身方面，櫃台有幾碟sample擺左出黎俾客人睇辦，只有甜蝦、劍魚、三文魚、帶子同八爪魚，所以第一輪只拎了甜蝦，劍魚、三文魚及帶子，可是後尾見到一板板既海膽拎出黎，當然不執輸，拎番一轉，三文魚同劍魚好普通，帶子好爽口，海膽味道濃郁，甜蝦最值得食，總共食左9隻，好鮮甜爽口，蝦頭既蝦膏好鮮味。
沙律有好多款，包括已拌好的，亦可以自已調配，醬汁都有好多款可以選擇，所有材料都好新鮮。不過好可惜，我一款都無試到。但我就試哂所有凍肉同煙三文魚，煙三文魚好普通，Prama ham唔夠咸香，油分由於一早切定既關係，已經散發了，可是黑森林火腿俾到我驚喜，咸香同油份都充足，另外西班牙辣肉腸都好吸引，辣辣地引起食慾。
除左呢d大路貨色之外，還有很多一杯杯既小食，都係一些日式小食，如辣三文魚蓉、吞拿魚漬等等，味道都唔錯，壽司都好精緻，一碟碟，師父不停咁做。每次食自助餐，頭盤都令我飽到七七八八，可是今次因為熱盤十分之吸引，唯有放棄了好多頭盤。
沒有留言:
張貼留言