2010年11月9日 星期二

順記潮州飯店

潮州菜係九龍城都佔有一個重要既地位,不比泰國菜遜色,雖然近來有漸漸褪色既跡像,不過仍然有幾間老字號做中流抵柱,例如:創發、樂口福等等,不過亦有好多間好好味既小店,其中一間就係順記私房菜,雖然叫佢私房菜有D唔太吻合,不過這裡既食物同一般潮州店有些毫不同,比較接近家常餸。


一坐低,先來一小盤功夫茶,好耐未試過食野前有茶飲了,叫來了頭盤豬頭粽拼豬腳凍,豬頭粽比豬腳凍更好食,可能由於豬腳凍D味道無咁濃烈,顏色相對地反映出兩者之間的味道差別,豬頭粽係深色D,兩者都是入口即溶。


之後到來既是蠔蛋,換言之即係蠔仔炒蛋,蛋炒得很好,還有蛋汁依附在面,沒有老的跡象,感覺上好似比食蠔餅才一點熱氣,亦可以用黎撈飯,一舉兩得。


今次只叫了蘿蔔烙,有少少中左伏,原因係唔知點解D蘿蔔有D苦,平時食沒有的。如果唔係苦的話,呢個餸絕對係全晚最好的,成個餅都煎得好香脆,蘿蔔雖然有少少苦,但係都食得出鮮甜,而且除了白蘿蔔之外,還加入了其他蘿蔔作提色之用,下次一定要食九肚魚烙,覺得一定好好食,因為呢到既烙做得非常出色,不得不提,要試下呢到既水瓜烙。


最後,叫了一碟魚麵作結束,有段小插曲,起初叫時,佢話今日未必有魚麵賣,咁唯有轉啦,想叫糯米大腸,點知佢話天氣唔夠凍,要再凍D先做,咁等左一陣之後,諗住叫個潮式炒麵線啦,突然間,佢又話魚麵可以叫了,玩死,不過都好,我地都係想食魚麵先叫。一黎到,好多菜,以為無魚麵啦,點知原來一翻開D菜,D麵係裡面,沒有魚腥味,亦唔會太油,不過嫌佢D魚麵好似幼左少少,如果再粗D,會更加美味。


整體來說,我都間唔中會黎食,因為覺得店舖少少,出品既水準之上,亦因為舖頭細的關係,上菜會比較慢,我覺得不太適合一大班人去食。

地址:九龍城南角道41號地下