2011年3月31日 星期四

肥媽甜品店

灣仔譚臣道有一間好特別的甜品店,間局同裝修與大良八記有八成相似,現在不只售賣甜品,而且還售賣飯餐。在午餐時間,有好多人去幫襯,價錢並不貴,又可以加錢食甜品,實在不錯。

黎呢到反而無食甜品,而食飯餐,果然真的不錯,那碗湯都唔錯,火喉都幾足,而且用料都算新鮮。食飯飲湯真係午餐既好選擇,飲完湯之後,胃口大開。


叫了一個蒸餸 - 金針木耳蒸雞,有件事很有趣,碟餸旁邊擺了椰菜,唔通這間係實行有營食肆的其中一間。其實味道真係一般,不過份量都OK,而且食唔中有任何味精,又有臘腸吊味,整體配合十分趣怪,又金針、又木耳、又臘腸。


同事叫了炒飯,絕對營養均衡,睇下碟飯有幾多菜粒,不過都算炒得一般,D飯黏埋一舊舊,所以不試也罷。


雖然不是推介這間有幾好食,只是覺得間唔中食到一間有心的小店,老闆對顧客真的非常好,夠細心,又夠好人,大家可以試下去幫襯下。

地址:灣仔譚臣道117號A舖地下




沒有留言:

張貼留言