2011年3月27日 星期日

〖澳門尋味〗潘榮記 - 金錢餅大王

之前係澳門飲飲食食,又點可以唔買D手信番去孝敬下D同事朋友呢,平時個個去親都係買鉅記或咀香園,再唔係就係香記肉乾,講真,除左香記之外,其餘既都係香港有得買,為何還要山長水遠係澳門買回來呢?

我當然不會去買呢幾間啦,於是就特登去大三巴近新馬路個邊買潘榮記,這間做減蛋金錢餅的小店,未行到去,已俾那股蛋香吸引住了。當見到一個老伯技巧純熟地烤著一塊塊香噴噴的金錢餅時,也都聞到了一股炭火香,原來他們是用炭爐來烤的,不消一會兒,已烤了不少。




門口已眾了不少人在等著買來試食,估不到只是用最簡單的材料可以做出美味的蛋餅。為何叫減蛋金錢餅,即是減去蛋白,使出品更具蛋香。


每一塊都具豐富的蛋香,雖然不是脆卜卜,但那帶少少淋身的脆,與食蛋卷有分別,可是正正適合這款食品,而且甜度適中,擺在家中,比食餅乾更好。

地址:新馬路大砲台街1號B地下