2011年3月7日 星期一

Cafe On M (Lunch Buffet)

自助晚餐食得多,好耐都未試過食自助午餐,原因只得一個,星期六日寧願訓到太陽曬到上床頭先起身,再加上岩岩起身,點會有胃口去大吃一番,為著這次lunch buffet,專登起身睇NBA,等自己早D開胃口食野。

Café on M所供應的自助午餐與晚餐其實差不多,只有些微改動,像刺身櫃沒有了帶子刺身,生蠔只有一款,籠仔蒸東星轉了為其他蒸海班,反而更加多了蒸點心,在我觀感上只有些微變化,但實則有幾多轉變,則不太清楚。




生蠔只有Irish Rock一款,由於是即開的關係,絕對非常新鮮,而且隻隻肥美飽滿。這款生蠔只帶少少咸味,甜味則十足,比較Creamy,令在座有朋友吃不慣,我吃多了也覺得比較滯,所以轉攻了其他食物,但除了生蠔外,見到翡翠螺及長腳蟹也不錯。




刺身方面相當新鮮,三文魚、立魚、八瓜魚及玉子都好好食,三文魚夠肥美,立魚則十分爽口,八瓜魚則煙靱有嚼勁,玉子也處理得不錯。




冷盤方面,首推煙三文魚,有兩款,一款是煙三文魚,另一款是香草三文魚,兩款皆肥美可口,不知是否轉了,抑或是晚上才供應厚切版,覺得厚切版比薄片版更加有口感。而其餘的凍肉,則以巴馬火腿勝一籌,油分充足又有咸香,捲著一小似蜜瓜同吃,實在滋味無窮。




沙律都有好多款可供選擇,試了茄子沙律、吞拿魚粒沙律及燒牛肉沙律,各款皆有特式,味道不錯,可是我只喜歡最普通的菜類沙律。




開始轉攻熱盤,雖然花多眼亂,但我會食的卻不太多,尤以點心及燒牛肉為主,點心一籠一籠拎,內裡的組合每次也不同,但燒賣是指定組合之一,所以都拎左幾籠來吃,點心質素真的不錯,不知是否海景軒的出品呢。




燒牛肉是我每次指定的餐單,鮮嫩帶血紅的牛肉永遠也與美味拉上關係,外層有適當的咸味,內裡粉紅色的肉肉質嫩滑,配上燒汁芥末同吃,實在美味。另外,還有很多熱盤,我只挑選了幾款,例如:串燒及炸雞件,串燒味道相當唔錯,沙嗲汁都幾惹味,炸雞件就平凡得多,味道唔太夠,淡而無味。而本來幾吸引的是即製意粉,好可惜太飽,只有朋友試,聽講味道唔錯。




最後,輪到甜品時間,可是之前食得太多,已經不能容納太多甜野,只好向雪糕進發,這裡供應的是haagen dazs雪糕,所以是幼滑的代表。而杯裝甜品則都好好味,只食了其中一樣,但係今次對心太軟實在太失望,沒有流心的感覺,上次來食時,明明都有的,但今次是實心蛋糕,失敗失敗。




但整體來說,以這樣的價錢實在不錯,如果入埋dining club會更加抵。我以後會多d黎食,睇下水準有沒有改變。

地址:尖沙咀麼地道70號海景嘉福酒店M層

6 則留言:

  1. 睇到海景嗎?幾多錢/位?

    回覆刪除
  2. lunch buffet HK$280 真係有D貴

    回覆刪除
  3. 我見openrice有8折券,本來打算去試下,但係HK$280折左都唔太吸引 去食其他算

    回覆刪除
  4. 現實中我地應該唔識

    回覆刪除
  5. 你真係好like食野,又唔介意貴!
    遲下應該好快做到openrice食家

    回覆刪除
  6. 做野好耐下啦
    我有D同事都好like食野,同埋為左做到openrice食家好努力咁post,不過以平價為主力,希望有一日openrice邀請佢地去試食。

    回覆刪除