2011年3月17日 星期四

八王子日本料理

近排點解咁多日本食店,係因為再遲D可能更加出唔到,所以趁現在慢慢出哂分享。再者日本食物始終同新一代的朋友息息相關,問大家平時最多去食咩類型的野食,大家都不約而同講日本野,到呢到大家都應該知道日本食物同我地有幾大既關連。

尖沙咀這一間以懷舊裝修的食店吸引了我到來,牆上的裝飾很有古舊時候的日本feel,有很多不同年代的電影海報掛滿牆上,每一張都十分有特式,而且牆壁亦用上木板來營造出一個小木屋的感覺。除了海報掛飾外,亦都掛上了食物的餐牌,有什麼時令食物一覧無遺。






這裡除了裝修有古舊的味道外,連枱上的餐牌也十分有趣,每一版都印上不同年代日本出名的卡通人物,其間有一頁令我們早80後的一批人印象深刻,Q太朗這個名字,又不知大家記得多少,閒談時,發現大家都懷有兒時開心的記憶。


食物方面除一般的和食外,亦有他們創新的食物,例如以下的鰻魚芝士卷,事前沒有想像過,原來芝士同鰻魚是可以如此的夾,兩者溶為一體,芝士令鰻魚更加軟稔,味道一流。


軟殼蟹卷沒有鰻魚卷般美味,失色許多,雖然軟殼蟹炸得鬆化脆口,可是味道一般,可食可不食。


本人極度期待厚燒玉子的味道,雖然沒有令我失望,但也不能令我滿足。味道是好,可是唔夠鬆化,略嫌過於結實。


接著的燒岩蠔,簡直用一個"優"字形容已足夠,點解用優,係我地小時候的成績表優字代表最高分,即是我俾滿分佢地,因為香草牛油燒後,充滿香味,火喉岩岩好,僅熟的蠔肉配合美味的牛油汁,令生蠔更加鮮味。


串燒方面,每一串都好好味,絕對唔會乾巴巴,雞皮燒得卜卜脆,又不會過乾,不錯。但以那串車厘茄為例,燒得外脆內juicy,十分難得,其餘的都不錯,乾身但唔會過硬。不過最好食的莫過於雞翼,皮脆肉嫩,醃味又好,所以都忍不住order多了一串。牛舌是後加的,味道可以,不過實在太少,又唔夠厚,算是一般。


最後,叫了一個八王子海鮮鍋加烏冬來填飽肚子,海鮮鍋湯底非常之鮮甜,配上一系列的海鮮,材料有三文魚、魷魚、蝦、豆腐、金菇及本菇,十分豐富。把另加的烏冬放入湯內熬煮,烏冬吸收了湯汁的鮮味後,不但爽滑煙靱,更增添了海鮮的鮮甜味道,欲罷不能。


食物絕對有質素,味道也不俗,再加上環境格局有氣氛,實在是一個值得幫襯的食店。

地址:尖沙咀亞士厘道22號好利時大廈地下








2 則留言: