2011年1月22日 星期六

坤記糕品專家



坤記糕品好大可能又會成為另一間電視推介下的犠牲品,最近一次幫襯時,發現有些糕品已經大不如前,連最好食而且唔會酸既白糖糕都有了些微酸味,不知道是受物價或者受客人的影響,整體質素都有所下降。



每次來到坤記,通常必定會買白糖糕,因為以前真的沒有酸味,但今次食後覺得有少少酸味,雖然有酸味,可是仍然比別家做得好,最重要唔會死甜,而是比較清幽的甜。


砵仔糕無論有豆或者無豆,都ok,不過紅豆份量實在太少,而且比較硬,唔係軟糯起沙的,令砵仔糕失色不少。


今次放棄了芝麻糕,轉攻糯米滋,當見到每粒糯米滋皆油光滿面,而且雪白無比,即時吸引了我,糯米皮雖然厚,但做到煙煙靱靱,雖然凍了,但仍然不硬,正。選了咸味糯米滋,餡內包的是蝦米、沙葛和肉碎之類,味道好正,蝦米帶有鮮味,沙葛亦增加了爽脆的口感,正正與糯米滋表皮的煙靱配合得天衣無縫,好味。


其實這裡的芝麻糕不能不吃,芝麻味豐富,唔會有苦澀味,而且甜度適中,要不是我實在吃不下第四件糕品,我一定會買,價錢雖不便宜,但都是做得比坊間好,希望質素不會如上所提,不斷下降啦。

地址:深水埗福華街115-117號北河商場地下10號舖 (北河街交界)