2011年1月30日 星期日

新興棧食家

天氣正值嚴寒,都係適宜去食粥,既可保暖,又可飽肚。繼新九記後,今次這間也是賣粥出名。係佐敦區內,賣粥的地方多不勝數,唔同款式粥都有,而新興棧就是魚粥界的表表者,一整條魚,由頭到尾都不用浪費地煮出了美味可口,芳香撲鼻的魚粥。由魚咀至魚尾皆有得吃,本人就至鍾愛魚雲拼魚卜,貪佢有嫩滑的魚雲之外,還有爽脆的魚卜,唔係好多地方有得供應架咋。

但今次例外,沒有叫到魚雲拼魚卜,原因是魚卜一早已經售罄,所以絕對係珍品。反而叫了魚雲拼肉丸,真得不要看少這裡的粥,材料極度豐富,實情是2:1既份量,2是指材料,1是指粥,一上枱,粥面已舖滿生菜絲,據講是可以下火的,因為魚既每一部份,都需要用油、酒、薑同蔥爆一爆才可以下粥去煮,既可以辟腥,又可以增添魚粥的鮮味。




如上所說,材料極多,肉丸粗略估計都有7粒至8粒,雖然細粒,可是鮮味十足,每粒都爽口彈牙,除左豬肉,可能仲有混合了一些蝦肉,使肉丸更加美味。魚雲份量都多,因為魚頭骨比較多,使粥的比例更少,魚雲鮮甜嫩滑,配上軟綿綿既粥底,實是一餐非常美味的午餐。


其實除粥之外,都有小食的,以爽滑魚皮為首,每碟魚皮都爽滑脆口,簡單地白灼後,以豉油及麻油拌勻,再佐以生薑絲及蔥絲,又是一道美味既小食。


食粥既同時,加多一碟油炸鬼,將佢輕輕浸在粥內吸收鮮味,又是一道既飽肚又美味既小食。


地址:佐敦寧波街23號