2011年1月3日 星期一

海港凍肉

聖誕節特別多Party,以前黎黎去去都係叫快餐店到會,大家樂、Pizzahut、KFC或茶餐廳等等......但呢一兩年刺身、自煎羊架和牛扒漸漸開始成為Party食物,香港賣雪藏凍肉既公司越來越多,海港凍肉就是其中一間擁有四十年歷史的凍肉舖。

這裡售賣的食物款式多,價錢實惠,比市面平起碼20%以上,食物可以係雪櫃自己拎,如果要大量的話,可以同店員講,等佢地執俾你,所有食物都好好味。

推介帆立貝刺身,大大粒,解完凍,打橫片一片,又鮮甜,又爽口,十分正。




三文魚刺身,98一磅,抵,而家好多地方都要過百一磅,而且食落去雖然無新鮮咁好食,但都不失鮮度,肥瘦相間,最重要既係d肉唔會散,仲好結實。


甜蝦刺身一盤先25蚊,隻隻都好鮮甜,蝦肉仲好彈牙。


一定要講一講呢到既螺肉同八瓜魚,價錢真係十分平,25蚊500g,八瓜魚味道十分好,而且好大隻,螺肉感覺無八瓜魚咁好食,不過都唔差的。


翡翠螺雖然唔大隻,但都好鮮甜,一盒有大約六七隻左右。


熱食雖然無買牛扒羊架等等要煮好耐的食物,轉改一些輕易的食物,雞肉串燒味道唔錯,用微波爐釘一釘即刻滋味無窮。


另外,又買了一些台式腸,深信出面買一盤一定唔止呢個價錢,有分兩隻味,一隻原味,另一隻係黑椒味,大家都覺得黑椒味比原味更好。


今餐大家都好滿足,多謝 Henry & Zita帶給我地一間咁好既凍肉舖食物。

地址:荃灣德士古道62-70號寶業工業大廈23號舖地下