恭和堂

近排食得太多熱氣野，真係要去清一清D熱氣，除了之前講過既葛菜水外，另一喜歡去的地方必定是恭和堂，一盅龜零膏即刻幫我下火又降溫，自然地又回復健康的既身體繼續搵食。

百年老字號既龜零膏相信功效必定有，如果唔係都唔可以訖立不倒，所以早前既報告指出成份不足，我絕對唔相信。今次只叫了細盅，唔知點解係用碗上，感覺好奇怪，不過算啦，我都係為左清熱氣，食落有濃郁既苦味，可是慢慢會滲出甘味，加些砂糖調和番D苦味，正所謂苦口良藥。

食完膏之後，飲番碗酸梅湯黎減低番D苦味，酸梅味重，不過唔太酸，仲有甜甜既味道，令我胃口大開。

五花茶茶色混濁，沒有以前那麼清澈，可是味道卻沒有改變，仍然十分好味。

以上是九龍城店的出品，之後是銅鑼灣店既出品。

除左龜零膏外，仲有很多唔同既膏品，不過唔係間間都有，銅鑼灣呢間就有川貝枇杷膏，入口非常甘涼，實在有消熱降火之效，而且入口順滑，可以滋潤喉嚨，實是一個潤口佳品。

食完膏之後飲一杯野係我既指定動作，今次叫了一杯雪梨茶，味道清新，由於之前食完枇杷膏既關係，每飲一啖都異常甘涼。

從圖中也見，九龍城那間無論咩飲品都好，都係用碗飲，感覺以前係涼茶舖飲用時既感覺，可是銅鑼灣店已轉用紙杯了，比較唔環保。