九龍城有很多間泰國菜館，除了泰式燒烤外，我對這間情有獨鍾，因為價錢實惠，有風味，而且食物質素高。而點解會係有風味，因為暫時環觀九龍城咁多間內，暫時只係得呢間需要係坐街邊，原因是店內只能容納兩至三張枱，有需要時，佢地會將d枱set係門口及隔旁的橫街內。現在正值寒冷季節，可以一邊食辣野，一邊吹住風，仲唔係有風味。
其實有無風味都係其次，最重要食物好食，而這裡正正做到大件夾好食，價錢比同區平了一至兩成。以生蝦刺身作例子，一般為70蚊一碟，而這裡只賣48一碟，價錢真的平了很多，而且質素幾好。
生蝦結實爽甜，咬落彈牙，自家製的酸辣汁更加係味道超正，超惹味，沾上少少已覺得辣，但又不能不沾，這辣汁正是令生蝦刺身味道昇華的導引。
小食拼盤又是抵食之作，整個拼盤只收55蚊，已經有蝦餅、春卷及炸蛋，先講炸蛋，炸蛋非常之好味道，香脆既外層包著軟糯既皮蛋，雖然蝦膠的份量不多，但正是更好味的根源，平時食炸蛋，蝦膠份量與皮蛋份量相約，只會令皮蛋味道被蝦膠味道蓋過，而這裡則不會有這個問題，兩者得到均衡。
蝦餅看似普通，卻是一道功夫之作。蝦餅炸後，外層香脆，內裡煙靱，自家製的蝦餅果然不同凡響。但春卷則不能與上兩者相題並論，如果可以更換的話，這個絕對不能放入拼盤內，因為春卷味道一般，雖然擁有鬆化既皮，但內裡餡料普通。
今日難得同行好友皆好螄蚶，亦都叫了一盤，半生熟的螄蚶流出了濃列的腥味，不過這是正常的，因為這腥味正是鮮甜的來源。每粒都非常之鮮甜，而且灼得正岩火喉，點上自家製的辣法，味道簡直沒法抗拒，不消一會，整盤已給消滅乾淨。
從前，這裡的串燒做得不俗，可是今次卻令我十分失望，當回想起上次食串燒牛肉時，牛肉鮮嫩帶少少肥膏，是用上肥牛，沙嗲汁又惹味，而燒既火喉剛好，拼合埋一起，就是一串非常好吃的串燒，但今次的串燒牛肉不但鞋口，還不夠味道，就算淋上了沙嗲汁都不能提起肉的味道，失敗。而那串腎，又是沒有味道之餘，亦都太靱，總體黎講，串燒十分差。
然而串燒雖差，但燒魚功夫則極之好，鹽燒鰂魚烤後，魚肚內的香料不斷透過魚肉向外滲出，味道及肉汁鎖在魚肉內，味道鮮甜並香味四溢，魚肉新鮮結實，沒有霉的感覺，加上鰂魚豐富的油分，使整條魚都好嫩滑，沾上辣汁，實在欲罷不能。
另一推介之作正是生菜包，這裡指定用豬肉，並沒有其他肉類可以選擇，嗜辣者亦正找岩食物，表面看似平平無奇，實則辣度十分勁，小小的一堆肉包，已經令人辣到標汗，可是肉碎鮮味十足。用生菜自行包著，冰凍爽脆既生菜令肉碎稍為減少辣度，配合上黎，十分好食。
蝦醬通菜炒得顏色不佳，可是味道OK，只是炒得枯黃色，蝦醬香味欲十分濃郁，絕對係惹味之食物。
最後叫了蒜蓉飽，但無叫咖哩，本來想叫青咖哩，但朋友怕都會好辣，所以只是剩吃。雖然蒜蓉飽香脆，可是美中不足的是落得太少蒜蓉。
食野期間，點可以無野飲呢，當然要叫一個椰青啦，平靚正，抵飲。
整體黎講，我仍然會係秋冬兩季不斷支持，而春夏兩季就可免則免，我是一個活在冷氣下的人，不能活在炎熱的天氣下。
地址：九龍城城南道2號
沒有留言:
張貼留言