2011年1月13日 星期四

鳳城美食

大家平時去茶餐廳食飯,我諗都唔會經常叫餐肉呀、腸仔呀、煎蛋之類既hea飯啦,但係呢排我偏偏就經常都去食呢類hea飯,係灣仔汕頭街就有一間專賣呢類飯既舖頭。起初呢間舖頭係賣魚蛋同魚片起家,但漸漸加插這類飯餐後,人潮不斷。

每逢lunch時間,十分墟冚,成條汕頭街擺滿枱櫈。很多人都為食這類hea飯而來,我也不例外,每次到來,我既首選係豬扒蛋飯,十分欣賞呢到既豉油汁,經過烹調,味道甜甜地脅少少咸味,豬扒都算大塊,但味道始終不及同名交加街那茶檔好味,煎蛋則流著蛋黃,食前將蛋汁拌入豉油飯當中,十分美味。其實飯餐仲包括飲品同湯,那碗湯是一碗味精水,可是加入了這裡的招牌魚片同菜,味道清清地,總算叫均衡饍食,起碼都有肉有菜。


除左豬扒蛋飯外,還可以選擇腸仔、餐肉、煙肉、牛腩和牛雜等等,發現牛雜飯真的不適宜現在呢個時候食,因為牛雜沒有熱湯浸著,內裡的肥油變成白色一舊舊的肥膏,食落口,感覺十分怪,張口的。但呢到會先將腸仔界花,炸完後爆開既樣子,十分有趣,賣相佳。


雖然這類人潮不斷,可是價錢並不是十分便宜,但在灣仔區內則相當實惠。呢種飯餐居然由年頭既27蚊加到而家既33蚊,升幅之勁不能相象,可是人潮仍然不斷,可想而知,在經濟復甦下,但係又無人工調整下,人人都仍要顧著荷包,不敢亂洗錢,所以這裡絕對是一般打工仔的飯堂。希望來年大家都會加到合理水平既人工啦。

地址:灣仔汕頭街2號