灣仔一帶都真係一個美食天堂，粉麵之類既舖頭都成巷成市，一間蔡欄都讚好食既粉麵舖，正正位於春園街，主賣手打牛肉餅同魚蛋。呢間又係一間午餐時間排滿哂人等位既小店，街道已經非常之窄，再加上等位既人更加窄上加窄，可是都不減排隊既人。
牛肉餅其實是一塊扁了的牛丸，不過牛肉餅爽口彈牙，調味落得好，襯上牛肉既鮮味，吃完一塊又一塊，欲罷不能，河粉軟軟滑滑，直入喉嚨，落少少特製潮式辣椒油，真係美味。
墨魚丸拼墨魚頭，墨丸粒粒白雪雪，非常彈牙，墨魚頭起初以為係好爽脆感覺，不過完全係錯既，居然係軟軟淋淋，雖然係無咩味，不過食落又幾好食。
再配上炸魚皮，先放入湯中浸一浸，等佢索入湯又未淋哂時食，鮮咋無窮。
地址：灣仔春園街37號地下
沒有留言:
張貼留言