之前對COVA既蛋糕有D抗拒，因為食過好多次個芒果撻都係勁酸，不過除左酸之外，整個都係好味既，今次仲有食埋佢d曲奇同芝士條。
個日其實有好多款俾我揀黎食，不過最終都係放棄不了芒果味既，今次呢件mango cake絕對係我預料之外，芒果甜美，而且整件cake好鬆化，一切落去，已經到底，一層蛋糕，一層芒果同cream，足足6層咁多，食完超開心，終於唔再係酸芒果了。另外，中間個件白色蛋糕，其實係cheese cake，芝士味濃郁，都係絕對推介之作。
而呢個牛油芝士條，係我暫時食過咁多之中既表表者，牛油同芝士味濃厚，極度鬆化，十分脆口。
其實呢間既曲奇，我就不太喜歡，覺得太甜，雖然都係好味既，牛油味同朱古力味都好濃味，果仁係我比較鍾意既，因為鬆化既曲奇配合有咬口既果仁，真係絕配。
地址：各COVA專門店
沒有留言:
張貼留言