2010年10月12日 星期二

華星冰室

華星冰室賣既野好大部份都似足佐敦某某餐廳,都係一個早餐、常餐同營養餐走天涯,前一陣子,好多餐廳都不斷複製呢個模式,但係成功既又不算多。不過呢間係另外既,佢到既賣點係用北海道3.6牛奶同加入左一D高貴既食材,晚上6點後,可以叫一客黑松露炒蛋試下,而且同明星有關,特別多人幫襯。




炒蛋都夠滑的,不過無蛋汁,係完全熟既炒蛋,多士厚得黎外脆內軟,都十分美味。湯意粉我由叉燒轉做牛肉,味道都係淡淡無味的,不過整體都好好,只是與佐敦的正牌仲有少少距離。


奶茶真係幾好,茶濃奶滑,用不绣鋼杯,唔知係唔係可以保溫,飲完食完D冰都無乜溶過。


Lunch時間好多人,不過晚市就真係不及佐敦的,好少人,不過整體黎講,不失為一個Lunch既好選擇。

地址:灣仔克街6號廣生行大廈地下B1號舖