呢兩個月,時晴時陰,每次想到海灘玩既同時,又招風招雨,於是就改做到訪一位住在栢麗灣的朋友,我地一行十多人去了會所玩,肚餓了就到這間餐廳共享晚餐。
一去到餐廳附近的地方,好有外國既feel,露天酒吧及餐廳一字排開,雖然有風味,但我地都係怕熱既人,梗係坐番入店內。店內裝飾樸素,好有小島風味。呢到既食物味道幾好,上菜速度都好快,服務也好,而且免收開瓶費。
叫左好多小食,有泰式小食拼盤、生蝦刺身、燒豬頸肉、炸魷魚、豬同牛沙嗲。好鍾意食裡面既魚餅,好重香料味,又唔腥,而且脆口,雞翼都整得好好。
![](http://googledrive.com/host/0BwslLG3_gL_yVXFBcHR5N2VDR0k/QpLMCLiB3kK1hcocjyS5ag.jpg)
生蝦刺身好新鮮,蝦肉彈牙,點上特製既辣汁,增添左一份刺激感,越食越開胃。
![](http://googledrive.com/host/0BwslLG3_gL_yVXFBcHR5N2VDR0k/3mm3xwzxLTbu8TvBQ4Ba8A.jpg)
炸豬頸肉皮脆肉嫩,醃得入味。另外,魷魚筒軟硬適中,可惜偏偏唔係好夠味。
![](http://googledrive.com/host/0BwslLG3_gL_yVXFBcHR5N2VDR0k/ySpkthwuTCxzABlxiz6pOg.jpg)
![](http://googledrive.com/host/0BwslLG3_gL_yVXFBcHR5N2VDR0k/i9WzTrISAONW5knTZ6CSiQ.jpg)
兩款沙嗲都燒得好好,上面仲淋上一D類似沙律醬的汁再烤,味道更上一層樓。
![](http://googledrive.com/host/0BwslLG3_gL_yVXFBcHR5N2VDR0k/.dKs6ay1PRXQtyRlhSi5lw.jpg)
![](http://googledrive.com/host/0BwslLG3_gL_yVXFBcHR5N2VDR0k/LurUwnuuoWTr29ZlIKH58g.jpg)
呢到既鐵板蠔仔炒蛋,真係幾好,炒得蛋汁嫩滑,不過好多芽菜。四季豆唔得,無咩味,,又唔夠乾身,兩樣餸形成一個大對比。
![](http://googledrive.com/host/0BwslLG3_gL_yVXFBcHR5N2VDR0k/ZYVBPi98BGY9eKCnYSgBIA.jpg)
![](http://googledrive.com/host/0BwslLG3_gL_yVXFBcHR5N2VDR0k/QgsQv6TVsqkr03vIB35uBg.jpg)
明爐烏頭個酸湯好惹味,好鮮甜,不過每次食呢個魚都係一樣,未煮入味,已經俾人消化哂。個冬陰功湯好正,好鮮甜,不過唔夠辣。
![](http://googledrive.com/host/0BwslLG3_gL_yVXFBcHR5N2VDR0k/n34rl4WPMRN_RYRyvA85oA.jpg)
![](http://googledrive.com/host/0BwslLG3_gL_yVXFBcHR5N2VDR0k/2U8czpE1FOp8MNcbnNuaTw.jpg)
兩個咖哩煮得幾好丫,不過唔係我杯茶,黃咖哩唔夠辣,青咖哩反而幾好,夠哂香,而且點薄餅好好味,最後既菠蘿炒飯,好似有D甜,我唔太鍾意。
![](http://googledrive.com/host/0BwslLG3_gL_yVXFBcHR5N2VDR0k/VMyUHf_FSh_tXHMqRVAW0w.jpg)
![](http://googledrive.com/host/0BwslLG3_gL_yVXFBcHR5N2VDR0k/I3ZdqQIe8pF9AXrIeHCO9w.jpg)
![](http://googledrive.com/host/0BwslLG3_gL_yVXFBcHR5N2VDR0k/_IpoaAa1t8uA6aXITCIfDg.jpg)
![](http://googledrive.com/host/0BwslLG3_gL_yVXFBcHR5N2VDR0k/7aum7tMwkFgodvxTEwVVVg.jpg)
最後梗係要將我最喜愛既燒雞壓軸出場,呢到d燒雞燒得十分之好,皮脆肉嫩,而且味道一流,食完之後,我地再encore左多一次。
![](http://googledrive.com/host/0BwslLG3_gL_yVXFBcHR5N2VDR0k/polIf0kh0xnJUPNHpvYX.A.jpg)
總括黎講,呢到D野食唔錯,服務又幾好,入開黎,食下唔錯。
地址:馬灣珀麗灣沙灘商場1樓1-2號舖
沒有留言:
張貼留言