霞飛點心拉麵

早一陣時間，同一大班同期出身既同僚到霞飛點心拉麵聚餐，食物味道一般，唔太好，又唔太差，環境都幾好，不過D服務用一個字黎形容，差！服務員不瞅不睬，唉！

頭盤只是叫了幾樣，雞絲拉皮、馬蘭頭百頁卷、無錫脆鱔同水晶肴肉。雞絲拉皮由於份量太少，沒有試食，馬蘭頭百頁卷肯定係四樣之中取好食既，因為一早就食哂，反而脆鱔無人問津，可能整得好差，因為炸到勁乾身，硬掘掘一餅咁，肴肉就不過不失啦，都係個句，馬蘭頭百頁卷有驚喜。

主菜個邊叫了一個Set，松子桂花魚配上湯皇帝菜，松子魚味道不俗，不過條魚可能因set的關係好細條。另外，叫左蔥爆牛肉、雲吞雞同四季豆。

蔥爆牛肉賣相勁油囉，大家都睇到成碟油啦，不用多講，食到成口油。

雲吞雞反而幾足料，唔錯，不過都幾好既。四季豆都係一般，不過夠乾身。

之後點了咸肉菜粒炒飯、薺菜肉絲炒年糕、鮮肉鍋貼同素菜鍋貼。咸肉炒飯幾好，不過味道唔夠，炒年糕相對黎講係好食，兩種鍋貼都唔錯。

小籠包反而整得幾好，皮薄餡靚，好多汁係裡面，但係又唔會太易穿。甜品有d驚喜，原因係高力豆沙，變左做杏汁高力，用杏汁做餡，真係未試過，味道唔錯，桂花酒釀丸子無試，睇賣杷唔錯，擂沙湯丸好甜。

總體黎講，價錢唔貴，味道一般，可以試下。不過服務真係扣分不少，但地點就腳又加番少少分。

地址：尖沙咀河內道18號K11購物藝術館B226-B227舖