2010年10月15日 星期五

Double Tree

lunch係灣仔食飯,真係有d麻煩,想搵位都好難,今次呢一間都不例外,大胃王呢一間餐廳,每日都爆場,但係我又唔覺得好好,可能lunch個廚唔係咁好啦,d野食好普通。

黎左幾次,食既野同貴價少少既茶餐廳都差唔多,味道又唔係特別好食到日日都要排隊等位都要黎囉,平均一個lunch 40蚊起,包湯,主菜同餐飲。湯好似每日都有中同西揀,上面橙橙地色個碗係南瓜忌廉湯,下圖係蓮藕湯。


我今次叫了卡邦尼蟹肉意粉,嘩,一睇已經唔想食,味道都真係好一般,水汪汪,係我心目中既卡邦尼絕對唔會係咁樣囉。


另外,個豬扒炒公仔麵賣相唔錯,味道都幾好,呢個反而係好食既。


不過呢到d服務真係好差,d野食好耐都唔到,等碗湯都要等成十五分鐘,野食都要成半個鐘,總知等多過食,所以真係唔值得,希望晚餐好d啦。

地址:灣仔船街15號寶志閣地下