黎到呢到，好多人都只係食燉奶之類既甜品，亦有些人會飲佢地D生果味鮮奶，但我偏偏就鍾意食呢D既三文治。
如果當晚餐的話，就會叫我自定既義順三寶，三文治、果味奶同燉奶or燉蛋。三文治一定會揀豬扒蛋三文治，豬扒醃得好好味，炸得香脆，而且仲好juicy，蛋就普通既三文治蛋貨式，麵包則軟熟，配合上黎，天衣無缝。
另外，我則會叫一杯香蕉奶或者芒果奶，有時就會叫佢地兩溝，不過佢地唔一定肯做，佢地話根本無呢樣野，但係我以前係波斯富街時，有個阿姐成日都幫我整架，好好人。杯奶打得好幼滑，而且果味同奶味並重，最重要夠冰凍，飲完成個人都覺得好滿足。
今次好可惜，無叫到燉奶，不過呢到既燉奶都好好食，話哂招牌貨黎架嘛，奶面上有一層奶衣，就係雙皮奶既精華所在，無論凍食同熱食都好滑溜，咁凍食一定無熱食咁滑，而且呢到既燉蛋都係我既至愛，因為我好鍾意食燉蛋。
其實最近發現，質素有所下降，麵包既軟熟度亦不及以前既軟熟，凍燉蛋都不及以前般有濃郁的味道。希望佢地會變番以前既味道啦，絕對支持支持。
地址：佐敦庇利金街63號
沒有留言:
張貼留言