怡興

最近同事帶我去到駱克道街市搵食，上到三樓，成層都係食肆，我地行左去角落的怡興坐低，望一望餐牌，真係平到笑，其實今次D相係唔知第N次黎食時影既，平均每次40蚊飽到行唔郁，雖然價錢平，但野食味道不俗架。

叫了兩人份量既鹵水鴨，盛惠23蚊，真係平到呢，D鹵水汁真係幾好味，可能佢地都做左好耐時間，因為鹵水汁最緊要係經過歲月既洗禮，D野食既精華都慢慢溶入煲鹵水內。

\

一碟雙拼都係23蚊，腩肉同墨魚，佢會放韭菜係底。另一個係三拼28蚊，有牛腩、鵝腸同通菜。加埋兩碗白飯，兩支大可樂都係90蚊，真係平到笑，食完真係飽到上心口。

雖然野食唔錯，不過要同佢去比較真正出名既潮式鹵水店，真係都有段距離，話哂用咁既價錢食到咁多野，真係唔錯架啦，不過又唔駛特登去既，行過有興趣，試下無妨。

地址：灣仔駱克道市政大廈2樓