2010年10月14日 星期四

強記美食

天氣開始慢慢轉涼,大家又可以去食番碗臘味糯米飯啦。位於灣仔馬師道既強記美食,已經係到好多年了,我諗都有十幾年,因為以前每晚都哀求媽媽去買一碗番黎俾我食,現在大了,又係個附近番工,所以間唔中都會去買兩碗番屋企。


其實呢到唔止糯米飯的,佢地既糖水、炒腸粉同粥都好好,雖然呢間舖專做夜市,不過佢地經常11:00已經叫個樣無個樣,幸好糯米飯,佢地係長賣沒有缺貨既。


糯米飯炒得好好,軟硬適中,而且唔會太咸,配上佢地特製既臘味汁,真係好食,我最欣賞佢地既冬菇,每碗只有一粒,不過我每次都會叫佢地俾多一兩粒我,佢地D冬菇燜得入味。黎得呢到,我都會叫佢地既豬骨粥,煲得軟綿綿,而且鮮甜。另外,不得不提佢地既腐竹雞蛋糖水,係煲到溶哂既奶白色糖水,正。

黎得呢到,都唔可以介意環境的了,佢係條冷巷到有一排枱櫈,每晚都坐滿人,由其是天氣寒冷的時候,早D去啦,唔係咩都賣哂。

地址:灣仔駱克道382號莊士企業大廈地下