滬菜係香港中菜既地位祟高,新派既當然受歡迎,但係舊派既都有一定既支持者,通常比較少後生仔女去食,只嘆走寶,因為始終舊舖先有一D特別既風味。
香港老飯店一聽個名就知係一間有相當時間既舖頭,佢地多年來賣既滬菜,味道正宗,賣相都幾好。當日去到坐低時,枱面放了一小碟前菜,食落係鹵水豆腐,好特別。
![](http://googledrive.com/host/0BwslLG3_gL_yVXFBcHR5N2VDR0k/qz_V.fS9ctU0cs7Bgo3uLw.jpg)
![](http://googledrive.com/host/0BwslLG3_gL_yVXFBcHR5N2VDR0k/LGgLmN.M8hp1atAgQtg3.A.jpg)
![](http://googledrive.com/host/0BwslLG3_gL_yVXFBcHR5N2VDR0k/PpFWrXVqqfe_u40GRWSWCg.jpg)
![](http://googledrive.com/host/0BwslLG3_gL_yVXFBcHR5N2VDR0k/U3z0LQa8vOz1cyFHIhhLaQ.jpg)
是日七個人總共叫了3個冷盤,6個主菜,3個飽點,1個甜品,先講冷盤,叫了燻蛋合桃,燻蛋真係好正,煙燻味重又溏心,合桃脆口。一個鹽水鴨,鴨肉結實,咸味適中,我好鍾意食。最後一個係燻魚,相對之下,呢個唔太好食,我覺得整得唔好,好普通。
![](http://googledrive.com/host/0BwslLG3_gL_yVXFBcHR5N2VDR0k/xesJNMbbFTUplA89j6fdLQ.jpg)
松鼠桂花魚賣相一般,味道都一般,因為個汁好重茄汁味,好甜,食落好滯。
![](http://googledrive.com/host/0BwslLG3_gL_yVXFBcHR5N2VDR0k/0ZrCYZttgNa509J0nbNYHQ.jpg)
![](http://googledrive.com/host/0BwslLG3_gL_yVXFBcHR5N2VDR0k/t0n_oVUOvkjXaYBUnjZqKg.jpg)
以上既係小排骨同炸八塊,小排骨食落都幾好,炸八塊即係炸雞件,哈哈,係飯店食KFC,哈哈,不過又幾好味,我幾鍾意,D雞雖然係雪雞,不過都好鮮嫩。
![](http://googledrive.com/host/0BwslLG3_gL_yVXFBcHR5N2VDR0k/rYpsP5WHgZnQUUO.bwdzXA.jpg)
主角到啦,每人一件蜜汁火方,即係一件飽夾著一件炸腐皮,再加上一塊用蜜糖煮過既金華火腿,咸咸甜甜真係幾得意,食完仲想再ORDER添。
![](http://googledrive.com/host/0BwslLG3_gL_yVXFBcHR5N2VDR0k/2eQJYiBU0ghk.AmjDi6dRw.jpg)
![](http://googledrive.com/host/0BwslLG3_gL_yVXFBcHR5N2VDR0k/A0HrqON2qwpHvej6r9pYwg.jpg)
兩碟菜分吃係咸肉百頁小唐菜同雲腿津白,前者咸肉肉味鮮,百頁吸收左咸肉既汁,再配上小唐菜既甜,果然係一道百食不厭既菜式。另一碟係雲腿津白,感覺賣相不佳,幸好味道幾好。
![](http://googledrive.com/host/0BwslLG3_gL_yVXFBcHR5N2VDR0k/h9KD88O2zhlbARY6x8YBAg.jpg)
![](http://googledrive.com/host/0BwslLG3_gL_yVXFBcHR5N2VDR0k/KTAwSIpxJQpaU12psKmBuw.jpg)
![](http://googledrive.com/host/0BwslLG3_gL_yVXFBcHR5N2VDR0k/JeUyLEquFt2HLCTq3UCXXg.jpg)
食完主菜,梗係食番D餅點,點了黃金大餅、小籠包同素菜鍋貼,三樣餅點都好好食,黃金大餅即係蔥油大餅,味道好正,熱辣辣,小籠包皮薄餡靚,好鮮甜既湯汁,另外,素菜鍋貼煎得隻隻金黃,脆口,菜餡食落好鮮嫩,食多多都唔滯。
![](http://googledrive.com/host/0BwslLG3_gL_yVXFBcHR5N2VDR0k/U7jvLaMS9QyWQcuS8ZDskQ.jpg)
![](http://googledrive.com/host/0BwslLG3_gL_yVXFBcHR5N2VDR0k/aZlmJmEsvglw.kCxg3ohYw.jpg)
最後,梗係食埋甜品啦,高力豆沙,唔太甜,幾適合食完大餐後既甜點,而且每枱都會奉上果盤。
地址:尖沙咀彌敦道132號美麗華商場4樓F號舖
沒有留言:
張貼留言