都有好多日無UPDATE了，因為Yahoo blog出現問題，好多篇都無幫我update，呢幾日不斷同佢個客服聯絡，終於係尋日回復正常，咁我又可以開始我既飲食日誌啦。
前排有一間曲奇舖係雜誌不斷賣廣告，咁岩行開佐敦，經過呢間舖頭，行入去，無論格局同感覺，都好似好高級咁。
今次買了兩款，一款係蝴蝶酥，另一款係芝士條，早前都講過我比較鍾意食蝴蝶碟，所以不斷出去買黎食。包裝同賣相都幾吸引，而且份量都比一般的多，價錢都唔太貴，可以話平添，因為好似36一包。
蝴蝶酥味道ok，都夠鬆化，牛油味好重，不過又未到最好食既，不過比我預期好好多，雖然呢間餅店餅廚背景猛料，可是唔係只做蝴蝶酥架嘛，所以唔可以只用蝴蝶酥黎做定案佢係好食定唔好食。
另一款芝士條，我買了送給朋友食，因為佢好鍾意食芝士條，聽佢講好好味，因為佢早前都去過食，而佢另外就激讚橙皮曲奇，好香橙味，而且牛油味都好重，我搵日都真係要應真過去買黎品嘗下。今次無試到蛋糕，因為可能臨近收舖，無咩蛋糕，搵日真係要試下D蛋糕。
地址：尖沙咀白加士街2-8號地下1號舖
沒有留言:
張貼留言