聰嫂呢個名真係成日聽聞，不過就從來都未試過，原因佢位處將軍澳內，太過遠，所以無去過。可是今年佢衝出了將軍澳，係銅鑼灣開了一間分店，甜品迷有福了，不用再山長水遠入去食了。
甜品有中式又有西式，甜品好多都用上姜汁做，唔知係唔係呢間既特式呢？今次Order了兩款，一款係芒果奶昔燉雙皮奶，另一個係姜汁鮮奶燉蛋。
芒果奶昔燉雙皮奶，是將預先打好了的花奶芒果汁注入放有份量頗多既芒果肉在面既雙皮奶上，味道配在得好，可是甜品甜品真係好甜，好似食緊糖水咁，雙皮奶可能由於凍的關係，完全沒有幼滑的感覺，覺得比較”鞋”口，幸好芒果汁的甜，配上燉奶，沒有顯現得甜上加甜，如果再甜下去，我諗我都食唔到了。
另一個熱姜汁鮮奶嫩蛋既幼滑程度，完全將芒果奶昔燉雙皮奶比下去，一放入口，已滑入喉嚨，姜汁鮮奶姜味濃烈，配上燉蛋，不會太甜，味道好好。下次有機會想試下姜汁荔枝奶凍，希望會俾到我驚喜啦。
地址：銅鑼灣霎東街33號快捷假日酒店地下G1號舖
沒有留言:
張貼留言