2010年10月13日 星期三

Le Salon De Thé de Joël Robuchon

突然變身高貴,去左Landmark High Tea,話說有位舊同學心儀這間patisserie,約左幾位一同品嚐,而我對這間店的Lemon Tart & Danlish Bread好有興趣,所以就約左星期六出黎食。


總共Order了兩Set half set 既tea set,一個Baguette,一件Rose Cake。無論咸或甜既食物,都好出色。先講一講個Baguette,真係好好味,一個法包夾著硬芝士同厚火腿,味道配合得宜,越食越好味。


Rose Cake賣相靚,但好可惜我唔係咁鍾意個味道,佢係一個有玫瑰味既紅桑子mousse cake,酸酸甜甜其實唔差既,不過係我自己唔鍾意者。


Tea Set既 half set 分左咸或甜其中一款,full set 就包括哂咸同甜兩款,而且有一set scone with Rose Strawberry Jam & Clotted Cream,再加兩杯飲品。我鍾意咸個Set,樣樣都好好,由其是那個Smoke Salmon that one,Salmon油份充足,配上Caviar,真係好。另外,Lobster那份味道調得好好。其餘兩種都好出色,可能係我比較偏向咸野。


甜的那份,有6件Cake,其中1件叫Paris-brest,最欣賞呢件Paris-brest,是泡夫包著Hazelnut朱古力mousse,內裡軟滑,Hazelnut味重,puff脆口。另外,最尾個件lemon cake,真係好好味既件裝蛋糕,重牛油味,而且檸檬味清新,感覺煥然一新。最頭的一件,好易溶,佢係一件栗子蓉,包著一些果醬係底,所以大家記住要第一件食。


個scone set仲正,熱辣辣,分開兩款scone,一款係提子,一款係牛油,兩款都好好,而且有好香既牛油同麵包味,焗得好鬆化,配上那兩盆clotted cream & rose strawberry jam,真係天大的美味。rose strawberry jam超多果肉,唔係死甜個種味道,係一種好新鮮既味道,而且滲出陣陣玫瑰香,不過好易會miss左呢種味,將兩種醬塗上,更加美味。


由於我唔飲咖啡同奶茶既關係,我只點了凍檸茶,都係一貫酒店既質素,唔好飲,不過朋友那杯凍latte,好似好美味咁。


呢到真係一個好舒服既地方,無人嘈,無人會去煩你,坐係到食下野,真係幾享受。今次唯一唔開心既係,我食唔到lemon tart,一去到,佢地賣哂,之後,食完之後去,連danlish bread都無哂,真係美中不足。但係呢間美芝蓮二星餐廳既附屬餅店,真係名不虛傳。

地址:中環德輔道中12-16號置地廣場315號舖