2010年10月19日 星期二

菓匠茶屋

前陣子有位同事搵到好工,係佢last day請左我地食呢間既大福,包裝精美,而且味道都好好,估唔到無平時食個d咁甜。




個樣睇落都極度吸引,有好多色,紅色係櫻花味,比較甜,白色有黑芝麻係面的是黑芝麻味,無咁甜,而且好香芝麻味,白色有綠茶粉的是綠茶紅豆,深綠色的是綠茶味,各樣都好好味。


另外,前陣子佢地開始推出雪糕,有宇治茶味同北海道牛奶味,兩樣都好好食,宇治茶味有濃厚既綠茶味,少少甘甘地,牛奶味好重奶味,味道同甜品配合得好出色。