八王子拉麵館

講起拉麵，係佐敦有兩間比較出名，一間叫橫綱，另一間就係今次講既八王子拉麵館。香港大部份既拉麵店都主打豬骨濃湯，但係呢到就主打牛骨湯底，牛骨湯底唔會好似豬骨濃湯咁油膩，屬於比較清的一種，顏色有別於豬骨湯底既白色，佢係一碗清澈既濃湯。

依印象記得，初初開舖時，野食真係少得可憐，只得兩款麵同一兩個小食，就係叉燒同糖沁蛋，現在已發展到有一個完整既MENU。今次到來，本來想試牛骨白湯，可是已經賣哂，唯有退而求其次，牛骨湯拉麵湯底清澈，麵條O，配料都算多，最欣賞始終係個半隻糖沁蛋，呈半熟狀態，一咬下去，蛋白不會太實。另一個拉麵係豬骨濃湯，湯底濃郁，味道鮮甜，豚角煮細細粒，如果可以大粒D就好。

小食就叫左餃子雞翼同清酒煮蜆，雞翼賣相不錯，燒得色澤均勻，皮脆肉嫩，可是味道就一般。另一個係清酒煮蜆，居然第一次食到咁重既酒味，真係好少有，而且每隻蜆既SIZE都算大隻，又唔會煮到D蜆肉同殼分離哂，所以呢味蜆煮得真係幾好。

總括黎講，一試無妨，不過專登去食，就不用了，好食既拉麵香港都不少。

地址：佐敦白加士街127號地下