2011年2月28日 星期一

海洋冰室

呢幾日無咩時間寫,所以都斷斷續續地出。今個星期好開心,見到好多朋友,同左好多朋友去食生日飯。今次真係咩款式都有,西式、韓式、越式、台式、京菜及日式,真係多不勝數。今日就寫下海洋公園內的海洋冰室,經我精心既格價,發現最抵食都係呢間。


環保都算舒適,空間感夠大,雖然沒有像灣景餐廳有那廣闊的海景,但都有園內景觀。食物款式夠多,各國菜式也有。見到呢到有海南雞飯,所以就入去試了。


這個海南雞飯味道一定唔係好味的,可是卻十分細心,居然連雞中翼位也起了骨,係我食咁耐以黎都未有過的經歷。雞味不算濃郁,不過卻算是非常嫩滑,而且仲有些咸,完全是鹽焗雞般,油飯比較硬,但都有好香既香料味。


另一個印尼炒飯配炸素菜春卷,整體黎講比較的骰,可是食完後,都有D飽肚。炸素菜春卷好幼,味道卻似公仔點心的炸春卷,所以不是太差。印尼炒飯上有沙嗲,炒飯都炒得唔錯,顆粒分明,用料都算多,味道幾好。


這裡餐飲是另外order的,印尼炒飯是餐,所以只需加十多元,就有龍鳳檸樂,但海南雞飯則是散叫,所以另外order凍檸賓需要30元,所以埋單都需要200蚊左右,但好在有生日優惠,有8折。


地址:海洋公園高峰樂園近極速之旅機動遊戲