2011年2月8日 星期二

澤田小廚

呢排不斷尋找好食既大排檔或小廚,我既足跡終於到港島區了,千揀萬揀,找到了一間比較有特式的小廚,而且座落係近排勁hit既瀰月屋旁邊,今次就為左一嘗瀰月屋而到這裡一試,可是一試後,發現又是一間好野。






雖然係清風街,身旁的食肆林立,但都影響不了這裡的生意,晚晚爆場,仲經常要在門口擺位,可想而知,幾多人幫襯。點解咁多人幫襯,就係價錢實惠、好味道及有特式小菜。

有幾樣小菜真的要必試,是獨創菜式,味道以致賣相都幾好,有清淡的,也有濃味的,今次一次過嘗盡這裡的特式小菜。首先是海白菜蛋豆腐,呢一味小菜要解話都幾難,因為實在整得太精緻,味道比較清淡,但用上炸的方式,帶上少許油膩,可是海苔能帶起各種材料的鮮味,而碟底的蛋白金菇正好解決了炸蛋豆腐的油膩,是一道相當平衡的菜式。




此外,有一味必定要叫的,是黃金雙拼。其實亦可以只叫其中一樣,有三款可以選擇,雞腎、雞軟骨及鮮魷,揀選了鮮魷拼雞軟骨,雞軟骨細細粒好易食,外層包滿咸蛋黃漿,內裡的軟骨有咬口,實在不可多得。鮮魷配咸蛋黃漿不嬲都是絕配,不需介紹,可是膽固醇高,少食為妙。




再來一個清淡的小菜,豆漿魚肚浸勝瓜,魚肚已索了豆漿的香及濃,充滿豆味,勝瓜則更加鮮甜。其他配料發揮了香味,如芹菜等等。最後,還可是當湯飲埋D豆漿。


嘗完淡的味道後,即刻來了一碟惹味的雞鎚,名字好得意,叫醬汁鐵公雞鎚,醬汁超惹味,甜甜酸酸,不過好可惜,雞肉肉質比較硬,影響了少許。但另一方面,店主為了方便進食此菜,特地在鎚尾包上了錫紙,既方便又乾淨。



這味避風塘炒蜆雖惹味,賣相又美麗,可是真的金玉其外,敗絮其中,蜆的size已經比較細,而且蜆肉都好多不翼而飛,混在炸蒜中,好難才發現到,唯一可喜的是炸蒜粒及椒絲,食落都幾新鮮,不像炸左好耐。


最後以一味口水雞為小菜作結,但誓估不到這裡整得唔錯,雞肉嫩滑,雞皮爽脆,辣汁更加辣得有勁,麻與辣並重,越辣越想食,伴碟的青瓜也有助解辣,唔錯。


沒有order任何白飯,是因為來到這裡豈能錯過招牌的荷碟飯及桶仔粥,荷葉飯飯粒唔會太濕,尚算乾身,而且充滿荷香,配料亦多,值得去試。


水蟹粥更加要推介,粥底夠綿又夠滑,配上水蟹同煮,鮮甜無比,每一啖亦流露出蟹味,可惜水蟹實在太少。


整體水準都唔錯,可以值得一試,下次一定要試多d小菜,如炸豬手、其他木桶粥等等。

地址:天后清風街1號