2011年2月16日 星期三

金田日本料理

都有一段時間無試過lunch食日本野,咁岩行過金田,俾佢既價錢吸引到,係灣仔呢邊食日本野,都唔會60-70一個餐,所以就決定去試一試。環境唔錯,地方都夠寬敞,原來都幾多人幫襯,坐滿人時,都會幾嘈。

叫了什錦魚生飯餐,餐內有前菜、蒸物、湯及主菜。前菜係漬豆卜,味道都ok,不過有d稔身。蒸物係蒸蛋,無咩味,蛋算滑溜。麵豉湯十分似即沖,所以都係唔合格。




魚生飯內大約有四至五款魚生,全部都角切,所以寧寧碎碎,不過幸好都算大塊及夠新鮮,唔會有異味,三文魚夠肥美,甜蝦夠鮮甜,但是擺得好差,又唔靚,所以只可算ok。


lunch質素尚可接受,只是有得揀下都唔會再揀。

地址:灣仔莊士敦道74-80號1樓



沒有留言:

張貼留言