2011年2月24日 星期四

博洛尼亞

近排81層丹麥麵包的熱潮依然不退,很多人都募名登門做訪,這天我都不例外,去到位於尖沙咀海運大廈LCX內的店舖,可能時間尚早的關係,客人不算太多,還有兩三張枱,時間是星期日的下午6:40。望窗的景觀不錯,可是有隻郵輪泊在碼頭的關係,全幅窗90%的景觀都遮蔽了,很掃興。




沒有景觀,唯有放番D注意力在餐牌上,有咸有甜,款式都算多,最後叫了期間限定的奇遇BO’LO’GNE及博洛尼亞吉列豬扒三文治。最先上枱的是豬扒三文治,份量不大,擺盤簡單純樸,只有半顆奇異果、蕃茄及酸瓜,吉列豬扒脆口,配上日式吉列豬扒果味汁及椰菜,即時減低了吉列豬扒的油膩,配上微微烘焦的麵包,味道唔錯。麵包有好香的牛油味,帶上少少焦糖的甜味,只吃麵包會更吸引。




另外那個甜的甜品,名字叫奇遇的BO-LO’GNE,一個小型麵包裝著香蕉及雪糕,但不要忽略的是,麵包並不是一般的丹麥麵包,而是紅豆綠茶味的麵包,雖然紅豆好硬,不過勝在特別,配上甜蜜蜜的香蕉及雲尼拿雪糕,一冷一熱,十分滋味,而伴碟的香蕉及忌廉淋上了朱古力醬,美觀又好食,因為香蕉同朱古力永遠是一個絕配。




這晚兩口子都嫌唔夠喉,所以另外再叫了一份法式多士,不過這份卻令我十分失望,香脆的麵包上蛋漿後,煎完口感完住變得稔身,像吃發水麵包一樣,味道唔夠,配上蜜糖同吃,感覺十分怪。同以前食過的有好大差別,沒有味道偏淡的蛋治沾上蜜糖,真係唔識得形容那種感覺。




除了那個法式多士比較怪之外,其餘的都幾好,餐飲方面叫了凍朱古力及凍咖啡,味道普通,整體感覺只俾法式多士影響了少許,可以一試,始終這類麵包常食會厭,都係保持間唔中一次好了。


地址:尖沙咀廣東道17號海港城海運大廈3樓1號舖

1 則留言:


  1. 點解你呢件麵包咁細件既?我見其他人既大件好多

    回覆刪除