2011年2月2日 星期三

蘭苑饎館

新年就快到,大家都各自忙著辦年貨,蘿蔔糕呀、年糕呀,唔同款式的應節糕品也大賣,蘭苑饎館此時也大排長籠,因為好多客人也訂了糕,攪到人頭湧湧。但今次不是講買年糕,而是叫餸食飯,貪佢地老火湯夠火喉,餸菜清清地,等腸胃可以休息下來迎接新年。

兩個人都叫了一人套餐,素聞這裡的自選煲仔菜有水準,可是由於今日要食得清清地,放棄了煲仔菜,緣慳一面。最後,叫左簡單的咸蛋蒸肉餅及梅子蒸鱔,配以蠔油蔬菜及老火湯,實在完美。

老火湯係菜乾煲豬展,一睇顏色就知絕對夠哂火喉,順口清甜,絕對有下火之用。




咸蛋蒸肉餅火喉控制得幾好,肉餅爽滑嫩口,沒有因落過多生粉而令肉餅變硬。


梅子蒸鱔味道可口,連墊底的木耳也吸收了梅子醬汁的味道,送飯一流,鱔肉肉質結實,好新鮮。除左兩碟蒸餸外,還有兩人份量的蠔油蔬菜,選了唐生菜及油麥菜。



雖然餸菜份量不多不少,但一定能令客人飽肚,因為白飯是任裝的,不止白飯的,連粉麵都可以無限量任叫,所以實在飽肚。



最後,叫了這裡出名的糕點,芝麻糕有濃郁芝麻香味,不是太甜,好食。另一是椰汁馬豆糕,充滿椰汁香,可是馬豆有D硬,影響了整個糕的協調性。



然而這裡最出名的是龜零膏,價錢有平有貴,最貴的可到幾百元一盅,平的幾十元有交易。整體味道唔錯,會再次到來試食煲仔菜。

地址:太子西洋菜北街318號集賢樓地下