2011年2月1日 星期二

麵屋一平安

講起拉麵,怎可以沒有麵屋一平安一份,這間已有十多年歷史的食店,慢慢地已經發展成四間分店,除了拉麵外,還有很多食物:如串燒、小食、燒餅等等。整間舖以居酒屋為題裝修,地方不算寬闊,但又不至於擠迫。侍應大多數都是日本人,點菜時,盡量需要以英語及日語為佳。

每枱客人入座時,都會有一兜前菜,以一些漬物為主,有濃香的木魚醬汁味,材料有竹輪、蘿蔔絲等等,味道可口。叫左小食、串燒及拉麵,有一樣食品必要推介 - 醋生蠔,實在非常好味。大約有5-6隻生蠔,每隻蠔都肥美飽滿,醋汁的味道令人難以忘懷,酸酸的醋加入木魚醬汁,估計再以少許味淋混合,有少少酒味,必食。






接著,麻醬蕃茄沙律,蕃茄鮮甜多汁,配以麻醬,確實美味。但好可惜,本人係唔食蕃茄的,所以多美味都沒有我的份兒。




煎捲蛋煎的幾好,富蛋香,而且非常鬆化,是一道美食。




另一道推介美食就是蔥油炒牛舌,雖然肥膩,但牛舌經過炒後,極爽口,又有香口的蔥油。雖然只食牛舌會比較咸,但配以啤酒,不知不覺間已經清滅乾淨了。




這味清酒煮蜆雖好,但蜆的體積小,可是卻非常鮮甜,又有濃烈的酒香。好可惜蜆有沙,要扣分,希望佢地會用多時時間去處理蜆。




終於到了串燒環節了,這裡的串燒火喉掌握得十分好,每一串都有微微的焦香。推介有煙肉車厘茄,煙肉的咸味及肥膩配以車厘茄的鮮甜及清新,實在絕配。另外,燒鵪鶉蛋都非常之好,但由於膽固醇高,所以放棄了。整體的串燒質素高,味道好,而且價錢不貴,實在值得食多幾串。




長崎拉麵是這裡的招牌,可是我始終食唔慣只有蔬菜的拉麵,如果叫一個食肉獸去食,實在難過登天。因此,叫了至愛的特製什錦豬骨拉麵。濃郁的豬骨湯作底,加上自家製叉燒、豚角煮及半熟蛋,實在美味。豚角甘香可口,一層肥一層肉,令人回味無窮。半熟蛋擁有半流質的蛋黃,而湯底清甜濃香,味道十足。可是始終覺得這裡的麵質不太好食,雖然彈牙,可是鹼水味重,些微影響了湯底的味道。




朋友則吃了醬油叉燒拉麵,湯底濃而清,味道唔會太咸,好有鮮味,叉燒大大塊,幾好味。




這裡是我的飯堂之一,唔知想食怎麼時,都會想到呢到,間唔中都會到此。

地址:銅鑼灣軒尼斯道499號永光商業大廈4樓

沒有留言:

張貼留言